සහල් ටොන් 20,000 ක් අපනයනය කිරීම සඳහා මේ වන විට දකුණු අප්රිකාව සමග සාකච්ඡා පවත්වමින් සිටින බව කෘෂිකර්ම අමාත්ය මහින්ද යාපා අබේවර්ධන පවසයි.
ඒ අනුව රතු සහල් ටොන් එකක් ඩොලර් 370 ක මිලකට අලෙවි කිරීම සඳහා සාකච්ඡා ආරම්භ කර තිබෙන බවත් මේ වන විට ටොන් 10,000 ත් 12,000 ත් අතර ප්රමාණයක් වසරක දී අපනයනය කර ඇති බවත් අමාත්යවරයා සඳහන් කරයි.
කිලෝග්රෑම් එකක් සඳහා අවම මිලක් යටතේ වියට්නාමය සහල් අපනයනය කළ අතර ශ්රී ලංකාව සහල් අපනයනය කිරීමේ දී මීට පෙර මිල මට්ටම ගැන අවධානය යොමු නොකළ ද වර්තමානය වන විට ඒ සම්බන්ධයෙන් අවධානය යොමු කළ යුතු බව අමාත්යවරයා පවසයි.
වී ගොවීන්ට පොහොර සහනාධාරය අඛණ්ඩව ලබාදෙන අතර බදු ගෙවන ජනතාව ඒ සඳහා ඩොලර් මිලියන 250 ක් වැය කරන බව ද හෙතෙම පැවසීය.
| ← නොමේරු ළඳරු ප්රතිකාර වෙනුවෙන් විශාල මුදලක් වැය වනවා - වෛද්ය පාලිත මහීපාල | මිහින් ලංකා ගමන් වාර ගණන ඉහළට → |
|---|
