කිරුළපන ප්රදේශයේ දී 30 වැනි දා රාත්රියේ කුඩා දැරියක් කැඳවාගෙන ගොස් අපහරණය කර ඇය ප්රදේශය මැදින් ගලා යන ඇලට දැමූ සැකකරුවන් දෙදෙනා 02 වැනි දා මහේස්ත්රාත් අධිකරණය හමුවට ඉදිරිපත් කරන බව වාර්තා වේ.
කිරුළපන අංක 44/204 දරන කිරුළ ව්යාපෘතියේ පදිංචි ව සිටි සත් හැවිරිදි ක්රිෂ්ණ කුමාර් දුෂන්තනී නමැති දැරිය එදින රාත්රියේ සිය ඥාති නිවසක සිටිය දී ඇගේ ඥාති තරුණයෙකු සහ තවත් අයෙකු කැඳවාගෙන යනු ප්රදේශවාසීන් දැක ඇතැයි පොලීසිය කියයි.
පසු දා එනම් ජුලි පළමුවැනි දා ඇගේ සිරුර කිරුළපන ඇලේ තිබී සොයාගෙන ඇත. කිරුළපන පොලීසිය වැඩිදුර පරීක්ෂණ ක්රියාත්මක කරයි.
| ← තවත් අනවසර සංක්රමණිකයින් පිරිසක් අලියාගල දී නීතියේ රැහැනට | අනවසර සංක්රමණිකයින් පිරිසක් කතරගම දී අත්අඩංගුවට → |
|---|
