ලෝක නර්තන දින සැමරුම් උත්සවය සංස්කෘතික හා කලා කටයුතු අමාත්ය ටීබී ඒකනායකගේ ප්රධානත්වයෙන් 29 වැනිදා පෙරවරු 10.00ට කොළඹ, ජෝන් ද සිල්වා සමරු රඟහලේ දී පැවැත්වේ.
ලෝක නර්තන දින සැමරුම වෙනුවෙන් ජ්යෙෂ්ඨ මහාචාර්යවරුන් වන මහාචර්ය තිස්ස කාරියවසම් සහ මුදියන්සේ දිසානායකගේ දේශන දෙකක් පවත්වති. නර්තන කලාව පිළිබද ඡායාරූප ප්රදර්ශනයක්, විදේශීය නර්තන හා මුද්රා නාට්ය චිත්රපට ප්රදර්ශනයක් ද එදිනම පැවැත්වේ.
නර්තන කලාවේ ප්රගමනයට දායක වූ උඩරට, පහතරට, සබරගමු හා භරත පාරම්පරික කලාකරුවන් 4 දෙනෙකුට නර්තනාභිමානී සම්මාන හා මුදල් තිළිණ පිරිනැමීමට ද කටයුතු යොදා ඇති අතර උඩරට සම්ප්රදායෙන් එම්පී ගණිතසාර, පහතරට සම්ප්රදායෙන් ඒඩින් වීරසිංහ, සබරගමු සම්ප්රදායෙන් පීඑම් බබානිස් හා භරත සම්ප්රදායෙන් පත්මිණී සෙල්වේන්ද්ර කුමාර් නර්තනාභිමානී සම්මාන ලැබීමට නියමිතයි.
මෙම සැමරුම් උළෙල සංස්කෘතික හා කලා කටයුතු අමාත්යෘංශයේ උපදෙස් පරිදි සංස්කෘතික කටයුතු දෙපාර්තමේන්තුව හා රාජ්ය නර්තන හා මුද්රා නාට්ය අනුමණ්ඩලය එක් ව සංවිධානය කරනු ලබයි.
| ← රටේ සහල් සහ එළවළුවල අතිරික්තයක් - බැසිල් | කුඩා තේ වතු සහ එම හිමියන් ලියාපදිංචියට පියවර → |
|---|
