වැඩකරන ජනතාව සුපුරුදු පරිදි 21 වැනි දා වැඩකරන දිනයක් ලෙස ජනතාව වෙනුවෙන් සිය මෙහෙවර ඉටු කරමින් සිටින බවත් වැඩවරන දිනයක් කිරිමට ඇතැම් කොටස් උත්සාහ කළද ඊට ප්‍රතිචාර දක්වා නොමැති බවත් රාජ්‍ය‍ පරිපාලන අමාත්‍යාංශයේ ලේකම් පීබී අබේකෝන් පවසයි. 

වර්ජනයේ නිරත වූ බස් රථ සම්බන්ධයෙන් පළාත් මගී ප්‍රවාහන අධිකාරීන් මගින් කඩිනම් වාර්තාවක් කැඳවීමට කටයුතු කර ඇතැයි ජාතික ගමනාගමන කොමිෂන් සභාවේ සභාපති රොෂාන් ගුණවර්ධන පවසයි.

වැඩ වර්ජනයෙන් රෝහල්වල සෞඛ්‍ය කටයුතුවලට කිසිදු බාධාවක් ‍නොමැති බවත් වෙනත් දිනවලටත් වඩා හොදින් රෝගී සත්කාර සේවා පැවැත්වෙන බවත් සෞඛ්‍ය අමාත්‍යාංශයේ ලේකම් වෛද්‍ය නිහාල් ජයතිලක පවසයි.

මගී අයිතිවාසිකම් උල්ලංඝනය කරමින් වර්ජනයේ නිරත වූ බස් රථවල මගී සේවා අවසර පත්‍ර (ධාවන බලපත්‍ර) අවංලගු කිරීමට පුද්ගලික ප්‍රවාහන සේවා අමාත්‍ය සීබී  රත්නායකගේ උපදෙස් මත ජාතික ගමනාගමන කොමිෂන් සභාව මගින් පියවර ගනී.