මගීන්ගෙන් මුදල් අයකර ප්‍රවේශ පත්‍ර නිකුත් නොකරන මගී ප්‍රවාහනයේ යෙදෙන පෞද්ගලික බස් රථ සඳහා වන දඩ මුදල රුපියල් 9000 දක්වා ඉහළ දැමීමට දකුණු පළාත් මාර්ගස්ථ මගී ප්‍රවාහන අධිකාරිය පියවරගෙන ඇත.

එළැඹෙන සැප්තැම්බර් මාසයේ පැවැත්වීමට නියමිත උතුරු පළාත්සභා මැතිවරණය ඉලක්ක කර ගනිමින් එම පලාතේ ජාතික හැඳුනුම්පත් නොමැති පුද්ගලයින් සඳහා හැඳුනුම්පත් ලබාදීමේ වැඩපිළිවෙලක් පැෆ්රල් සංවිධානය ආරම්භ කර තිබේ.

වාරිමාර්ග හා ජලකළමනාකරණ අමාත්‍ය නිමල් සිරිපාල ද සිල්වාගේ දේශපාලන දිවියට තිස් වසරක් සම්පූර්ණවීම නිමිත්තෙන් විශේෂ උපහාර උළෙලක් හා "මැතිසබයේ රණහඬ නිමල්" නැමති  ග‍්‍රන්ථය එළිදැක්වීම 20 වැනි දා පස්වරුවේ බණ්ඩාරනායක ජාත්‍යන්තර සම්මන්ත‍්‍රණ ශාලාවේ දී පැවැත්වේ.

දේශපාලන හා බහුජන සංවිධාන ගණනාවක්, වෘත්තීය සමිති ගණනාවක් එක් පොදු පදනමකට පැමිණ ඇත්තේ ජනතාව ආරක්‍ෂා කිරීම සඳහා බව  විපක්ෂ නායක රනිල් වික්‍රමසිංහ පවසයි.